टी–२० विश्वकप: स्कटल्यान्डले नेपाललाई १७१ रनको लक्ष्य

कुसुम शर्मा
यूके नेपाल प्रेस
बेलायत ,५ फागुन, २०८२ मंगलवार — टी–२० विश्वकप अन्तर्गत आफ्नो अन्तिम खेलमा नेपाल राष्ट्रिय क्रिकेट टोलीले स्कटल्यान्ड राष्ट्रिय क्रिकेट टोलीसँग प्रतिस्पर्धा गरिरहेको छ।

मुम्बईस्थित वानखेडे मैदानमा भइरहेको खेलमा स्कटल्यान्डले नेपाललाई १७१ रनको लक्ष्य दिएको छ। टस हारेर पहिले ब्याटिङ गरेको स्कटल्यान्डले निर्धारित २० ओभरमा सात विकेट गुमाउँदै १७० रन बनायो।

स्कटल्यान्डका लागि माइकल जोन्सले आक्रामक ब्याटिङ गर्दै ४५ बलमा ७१ रन जोडे। उनको इनिङमा आठ चौका र तीन छक्का समावेश थिए। जर्ज मुन्सीले २७ रन बनाए भने ब्रेन्डन म्याकमुलनले २५ रनको योगदान दिए।

बलिङतर्फ नेपालका सोमपाल कामीले चार ओभरमा २५ रन खर्चेर तीन विकेट लिए। नन्दन यादवले दुई विकेट हात पारे भने रोहित पौडेल र कुशल भुर्तेलले एक–एक विकेट लिए।

नेपालले विश्वकपको अन्तिम खेलमा जितका लागि १७१ रनको लक्ष्य पछ्याइरहेको छ।