शुभसाइतमा राष्ट्रपति पौडेलले गरे भाइटिका ग्रहण

कुसुम शर्मा
नेशनल प्रेस कर्पोरेसन,यू के
बेलायत ।राष्ट्रपति रामचन्द्र पौडेलले यस वर्षको तिहारमा शुभसाइतमा बहिनीहरू शारदा पण्डित र चन्दा ओझाको हातबाट टीका लगाएका छन्।

राष्ट्रपतिको स्वकीय सचिवालयका अनुसार राष्ट्रपति पौडेलले बिहीबार बिहान ११ बजेर ३९ मिनेटको शुभसाइतमा राष्ट्रपति भवन शीतलनिवासमा टीका ग्रहण गरेका हुन्।

नेपाल पञ्चाङ्ग निर्णायक समितिले भाइटिकाको उत्तम साइत बिहान ११ बजेर ३९ मिनेटका लागि निर्धारण गरेको थियो। समितिका अनुसार उत्तम साइत तोकिए पनि दिदीबहिनी र दाजुभाइले दिनभर टीका लगाउन सक्ने प्रचलन रहेको छ।

यमपञ्चकको अन्तिम दिन मनाइने भाइटिकामा दिदीबहिनीहरूले दाजुभाइको दीर्घायु, स्वास्थ्य र समृद्धिको कामना गर्दै टीका लगाउँछन्, भने दाजुभाइहरूले दिदीबहिनीप्रति स्नेह र आशीर्वादका रूपमा टीका लगाइदिन्छन्।

यस अवसरमा शीतलनिवासमा पारिवारिक वातावरणमा भाइटिका कार्यक्रम सम्पन्न गरिएको सचिवालयले जनाएको छ।